![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Policia e Kosovës ka arrestuar një person në Pejë, i cili përmes rrjeteve sociale ka bërë thirrje për sulm terrorist në Kosovë, në prag të festës së Pashkëve.
I arrestuar është Rakip Abdyli nga Opoja, por me vendbanim në Pejë, njofton RTV Dukagjini.
Që nga dita e djeshme, Policia e Kosovës ka rritur masat e sigurisë nga rreziku i terrorizmit, ndërsa ka shtuar kontrollet rreth kishave dhe manastireve.
Policia e Kosovës, përveç se kanë zgjatur deri në 12 orë orarin e punës, janë duke siguruar 24 orë secilën Kishë në Kosovë.
Nga ana tjetër, kryeministri Isa Mustafa dje ka mbledhur edhe Këshillin e Sigurisë së Kosovës.
Shteti është në alarm për shkak “të rrezikut nga sulme të mundshme terroriste” dhe për shkak të “krizave politike në Kosovë, Shqipëri e Maqedoni”.
Edhe Ambasada Amerikane i’u ka sugjeruar qytetarëve të saj në Kosovë që të kenë kujdes të shtuar gjatë këtyre ditëve.
“Terroristët në rajon më parë kanë pasur caqe objektet e ndjeshme, përfshirë kishat dhe objektet e kulteve tjera, qendrat e këmbësorëve, arenat sportive, sallat e koncerteve dhe tubimet publike. Rishikoni planet tuaja të sigurisë: rrini të vetëdijshëm për vendndodhjen tuaj, përfshirë edhe ngjarjet lokale dhe shikoni televizionet për përditësim të lajmeve”, – sugjeron ambasada Amerikane për qytetarët e saj në Kosovë”. /Gazetaexpress/